2017

Sendum okkar bestu óskir um gleðilegt nýtt ár og þökkum samstarf og aðstoð á liðnu ári.  Megi nýtt ár bera í skauti sér betra líf og betri heim.

Soroptimistaklúbur Austurlands

MEbaraSoroptimistaklúbbur Austurlands veitti tveim nýstúdentum frá ME viðurkenningu. Hér sést formaðurinn okkar hún Bára Mjöll ásamt stúlkunum tveim.

Brot úr ræðu Báru Mjallar:

Soroptimistar eru alþjóðleg kvennasamtök sem hafa það að markmiði að styrkja og efla konur og stúlkur. Við viljum því veita tveimur nýstúdínum hér í dag hvatningarverðlaun fyrir góðan árangur í námi, þrátt fyrir að leiðin hafi ekki alltaf verið bein og greið. Við viljum hvetja þær til að halda ótrauðar áfram á sinni braut - en í raun eru þær hvatning fyrir okkur öll hin: Janet Nicole Reynisdóttir og Laura Grazyna Stencel, má ég biðja ykkur að koma hingað upp og taka á móti verðlaununum sem er bókin Íslenskt prjón eftir Hélène Magnússon. Til hamingju.

CaptureVið höfum í samstarfi við Rauða krossinn og Bókasafn Héraðsbúa sett í gang verkefni sem miðar að því að æfa fólk með annað móðurmál að tala íslensku.  Síðasta þriðjudag hófum við starfið aftur og stefnum á að halda áfram til vors.

Viðveran er frá 17:15-18:30.

 

 

 

ganga

 

 

Allir, bæði konur og karlar, eru velkomnir í prjónagöngu með okkur.

Við viljum með þessu heiðra formæður okkar sem gengu prjónandi milli bæja og jafnvel byggðarlaga og nýttu jafna hverja vökustund til hins ýtrasta. 

Hvetjum ykkur til að koma með !

bifrost2bifrost1Ellefu systur fóru á Haustfundinn á Bifröst.  Afar gagnlegur fundur sem byggður var upp á vinnusmiðjum og sameiginlegum niðurstöðum. 

 

Veðrið lék við okkur á Borgarfirðinum eins og sést hér.

Ganga

kort1906

Smellið á kortið til að fá stærri mynd

 

Upphafsstaðir göngunnar:

1. Miðja vegu milli Lagarfljótsbrúar og Flugvallarvegar.

2. Við gamla Seyðisfjarðarveginn á Eiðavegi

3. Á Norðfjarðarvegi, skammt ofan við Dalssel

4. Á Vallavegi við Dagsverk

 

Allir staðir verða merktir með blöðrum

 

Dagskrá

  • Kl. 13:15  Lagt af stað úr fjórum áttum um 2 km frá Egilsstaðakirkju og gengið prjónandi að kirkjunni
  • Kl. 13:45  Samverustund í kirkjunni þar sem m.a. verða flutt minningabrot um konur liðinna tíma.
  • Kl. 14:30  Gengið að Safnahúsi og sýningar skoðaðar á öllum hæðum, frítt inn fyrir konur.

Til styrktar fötluðum börnum og ungmennum

kula2017Að venju munu félagar í Soroptimistaklúbbi Austurlands  selja kærleikskúlur og jólaóróa frá Styrktarfélagi lamaðra og fatlaðra nú á aðventunni. Sala þessara muna er árlegt fjáröflunarverkefni  Styrktarfélags lamaðra og fatlaðra og fær Soroptimistaklúbbur Austurlands 1000 krónur  af andvirði hvers hlutar sem selst hér til stuðnings fötluðum börnum og ungmennum á Austurlandi.   

Kúlan í ár er eftir Egil Sæbjörnsson sem var fulltrúi Íslands í Feneyjatvíæringnum  og Jólaóróinn Askasleikir er hannaður af Goddi og Ásta Fanney Sigurðardóttir yrkir um hann kvæði.

Soroptimistaklúbbur Austurlands kemur nú að þessu verkefni í  12. sinn og hafa Austfirðingar verið tryggir kaupendur. Ágóðinn er sem fyrr segir notaður í þágu fatlaðra barna og ungmenna á heimaslóðum  og  hefur hann t.d. verið notaður  til tækjakaupa fyrir sjúkraþjálfun og  til kaupa á ýmiskonar hjálpartækjum fyrir einstaklinga. Einnig hefur sjóðurinn  styrkt einstakling til þátttöku á vetrarólympíuleikum fatlaðra. 

Síðastliðin ár hefur ágóðinn runnið til kaupa á lyftu fyrir hreyfihamlaða í sundlaugina á Egilsstöðum.  Lyftan er komin upp og nú safnar klúbburinn fyrir kostnaði vegna uppsetningar hennar.

Selt verður í Nettó á Egilsstöðum dagana 6. - 10. desember, í markaðinum í Barra 16.desember, í versluninni Klassík á Egilsstöðum, í Hár.is í Fellabæ og í  Kjörbúðinni á Seyðisfirði.

Allar nánari upplýsingar/pantanir fást á netfanginu This email address is being protected from spambots. You need JavaScript enabled to view it..

Soroptimistaklúbbur Austurlands

Á næstunni

Sala á Barramarkaði
Saturday, 16 December 2017/ 12:00 - 16:00
Articles View Hits
11574

Soroptimistaklúbbur Austurlands

Copyright © 2014. All Rights Reserved.